អាជ្ញាធរជាតិព្រះវិហារបានដើរតួនាទីយ៉ាងសំខាន់ ក្នុងការងារអភិរក្សប្រាសាទ និងអភិវឌ្ឍន៍ក្នុងតំបន់ រមណីយដ្ឋាន ប្រាសាទព្រះវិហារ។ ក្រៅពីនោះ ការអប់រំផ្សព្វផ្សាយបេតិកភណ្ឌដល់សិស្ស និងសហគមន៍មនុស្សកំពុងរស់នៅជុំវិញតំបន់ ការពាររមណីយដ្ឋានប្រាសាទព្រះវិហារ ក៏ជាផ្នែកមួយសំខាន់នៃការផ្សព្វផ្សាយ និងអភិរក្សដែរ។
គោលបំណងនៃការរៀបចំវក្គអប់រំផ្សព្វផ្សាយបេតិកភណ្ឌដល់សិស្ស និងសហគន៍នៅក្នុងតំបន់ការពាររមណីយដ្ឋានប្រាសាទ ព្រះវិហារ គឺដើម្បីបញ្ជ្រាបនូវចំណេះដឹងផ្នែកបេតិកភណ្ឌវប្បធម៌ និង ធម្មជាតិ និងឱ្យពួកគាត់យល់ដឹង ចេះស្រឡាញ់ និងចូលរួមថែរក្សាសម្បត្តិវប្បធម៌របស់ខ្លួន។
លទ្ធផលពីការបើកវគ្គអប់រំបេតិកភណ្ឌចំនួនពីរលើកគឺ នៅឆ្នាំ២០១៩ បានអប់រំ ដល់សិស្ស និងលោកគ្រូ អ្នកគ្រូ អនុវិទ្យាល័យ និងវិទ្យាល័យស្រអែមចំនួន ៣៥០នាក់ និងសហគមន៍ចំនួន៧ភូមិ សរុបចំនួន២៤០នាក់។ បន្ទាប់មក នៅឆ្នាំ២០២២ បានអប់រំដល់សិស្ស លោកគ្រូ និងអ្នកគ្រូ អនុវិទ្យាល័យ ស្រអែម អនុវិទ្យាល័យហ៊ុន សែន ស្រះក្តុល និងវិទ្យាល័យខេមរតេជោ ចំនួន២៨៨នាក់។
