សមិទ្ធិផលថ្មីមួយក្នុងកំឡុង៥ឆ្នាំបន្ទាប់ពីប្រាសាទព្រះវិហារ បានក្លាយជាតំបន់បេតិកភណ្ឌពិភពលោកមក គឺបណ្តុំអគារស្នាក់នៅមួយបានសាងសង់ឡើងសម្រាប់មន្ត្រី និងបុគ្គលិក ដែលមកបម្រើការជូនអាជ្ញាធរជាតិព្រះវិហារក្នុងភូមិធម្មជាតិតេជោ ឃុំស្រអែម ស្រុកជាំសាន្ត្រ ខេត្តព្រះវិហារ។
គោលបំណងសំខាន់ក្នុងការកសាងបណ្តុំអគារស្នាក់នៅនេះ គឺដើម្បីសមួ្រលដល់ថ្នាក់ដឹកនាំ មន្រ្តី និងបុគ្គលិកកិច្ចសន្យាដែលភាគច្រើនមកភ្នំពេញ និងខេត្តផ្សេងៗអាចស្នាក់នៅដោយសុវត្ថិភាពនិងបំពេញការងារជូនអាជ្ញាធរជាតិព្រះវិហារបានល្អប្រសើរទៅមុខ។
ជាលទ្ធផល នៅឆ្នាំ២០១៣និង២០១៤ អគារទាំងនេះត្រូវបានសាងសង់ឡើងដោយប្រើប្រាស់ថវិកាជាតិក្នុងនោះរួមមាន៖ ១-អគារសា្នក់នៅបុគ្គលិក ២អគារ ស្មើនឹង ១៤បន្ទប់, ២-អគារស្នាក់នៅថ្នាក់ដឹកនាំ ៤អគារ ស្មើនឹង ៤បន្ទប់ និងអគាររោងអាហាររួម ១អគារ។ ក្រោយមក ដោយកំណើនមន្រ្តីនិងបុគ្គលិកច្រើនជាងមុន នៅក្នុងឆ្នាំ២០២០-២០២២ អគារ១ខ្នងធំមាន២ជាន់ ស្មើនឹង១២បន្ទប់ និងរោងឡាន១អគារក៏បានសាងសង់ឡើងបន្តបន្ទាប់។
