Monday, February 24, 2025
នៅថ្ងៃទី២៤ និង២៥ ខែកុម្ភៈ ឆ្នាំ២០២៥ លោកសាស្រ្តាចារ្យ Nicolas Fiévé ប្រធានវិជ្ជាស្ថានបារាំងចុងបូព៌ា (EFEO) នៃទីក្រុងប៉ារីស ប្រទេសបារាំង និងអមដំណើរដោយលោកបណ្ឌិត Éric Bourdonneau ប្រធានវិជ្ជាស្ថានបារាំងចុងបូព៌ាប្រចាំនៅខេត្តសៀមរាបបានមកទស្សនកិច្ចនៅរមណីយដ្ឋានប្រាសាទកោះកេរ និងព្រះវិហារក្នុងគោលបំណងស្វែងយល់អំពី កិច្ចការងារគ្រប់គ្រង អភិរក្ស ជួសជុលប្រាសាទនានានៅរមណីយដ្ឋានទាំងពីរ។
ក្នុងដំណើរទស្សនកិច្ចនេះ លោកសាស្រ្តចារ្យ Nicolas Fiévé បានជួបពិភាក្សាការងារជាមួយ ឯកឧត្តម គង់ ពុទ្ធិការ អគ្គនាយកអាជ្ញាធរជាតិព្រះវិហារ ដោយពិភាក្សាផ្តោតសំខាន់លើកិច្ចសហប្រតិបត្តិការស្រាវជ្រាវ ការបណ្តុះបណ្តាលធនធានមនុស្ស និងបណ្ណសារ។
