ចាប់ថ្ងៃទី១២ ដល់ ទី១៩ ខែមិថុនា ឆ្នាំ២០២៦ អាជ្ញាធរជាតិព្រះវិហារ ជាអង្គភាពអនុវត្តគម្រោង ស្តារវិស័យទេសចរណ៍បន្ទាប់ពីវិបត្តិកូវីដ-១៩ បាន សម្របសម្រួល វគ្គបណ្តុះបណ្តាលជំនាញឆុងកាហ្វេ និងអភិវឌ្ឍន៍ម្ហូបអាហារ ដល់សមាជិកសហគមន៍ ទេសចរណ៍ នៅក្នុងភូមិធម្មជាតិសម្តេចតេជោហ៊ុន សែន ឃុំស្រអែម ស្រុកជាំក្សាន្ត ខេត្តព្រះវិហារ។ វគ្គបណ្តុះ បណ្តាលនេះ បង្រៀនដោយមន្រ្តីជំនាញមកពីមន្ទីរ ទេសចរណ៍ខេត្តព្រះវិហារ និងមានអ្នកចូលរួមសរុប ៣៨នាក់ (ស្រី២២នាក់)។
គោលបំណងសំខាន់នៅក្នុង វគ្គបណ្តុះបណ្តាលនេះដើម្បីផ្តល់ចំណេះដឹងមូលដ្ឋាន ដល់សមាជិកសហគមន៍ អំពីជំនាញឆុងកាហ្វេ ជំនាញចុងភៅ រូបមន្តផ្សំគ្រឿង ចម្អិនអាហារ អនាម័យផ្ទះបាយនិងសម្ភារៈប្រើប្រាស់ របៀបបដិសណ្ឋារកិច្ចភ្ញៀវ ដែលជាផ្នែកមួយនៃការពង្រឹងផលិតផល និងសេវាកម្មទេសចរណ៍ នៅក្នុងសហគមន៍។
