កិច្ចការពារ និងការអភិរក្ស

ថ្ងៃពុធ ១៥ រោច ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៣ ខែវិច្ឆិកា ឆ្នាំ២០២២ ក្រុមការងារនាយកដ្ឋានអភិរក្ស និងបុរាណវិទ្យា សហការជាមួយនាយកដ្ឋានស្រាវជ្រាវ បណ្តុះបណ្តាល និងតម្កល់ឯកសារ ដឹកនាំដោយ ឯកឧត្តម ផេង សំអឿន អគ្គនាយករងអាជ្ញាធរជាតិព្រះវិហារទទួលបន្ទុកការងារក្នុងរមណីយដ្ឋានប្រាសាទកោះកេរ បានរៀបចំពិធីសែនព្រេនបើកការដ្ឋានកំណាយស្រាវជ្រាវបន្តនៅប្រាសាទក្រចាប់ក្នុងដំណាក់កាលទី៥ ដើម្បីប្រមូលទិន្នន័យពាក់ព័ន្ធនឹងបដិមានានាដែលបានលួចចេញពីប្រាសាទ និងដើម្បីរៀបចំចងក្រងឯកសារអភិរក្ស ជួសជុលនាពេលខាងមុខ។ ការងារធ្វើកំណាយស្រាវជ្រាវនេះមានរយៈពេល៥ខែ គឺចាប់ពីថ្ងៃទី២៣ ខែវិច្ឆិកា ឆ្នាំ២០២២នេះ រហូតដល់ខែមេសា ឆ្នាំ២០២៣។
អត្ថបទ និងរូបភាព : ថាច់ ផានិត