ដើមឈើធំៗដែលដុះតាមប្រាសាទ និងតាមដងផ្លូវសំខាន់ៗ ក្នុងរមណីយដ្ឋានប្រាសាទព្រះវិហារ បានជួយលើកសោភ័ណភាព និងទេសភាពដ៏ស្រស់បំព្រង។ ដោយឡែកដើមឈើមួយចំនួនក៏អាចបង្ករហានិភ័យដល់ប្រាសាទ និងទីសាធារណៈ។
គោលបំណងការគ្រប់គ្រងហានិភ័យដើមឈើ និងលើកកម្ពស់សោភ័ណភាព គឺដើម្បីបញ្ចៀសគ្រោះមហន្តរាយដល់ប្រាសាទ ភ្ញៀវទេសចរ និងលើកកម្ពស់សោភ័ណភាពតំបន់រមណីយដ្ឋានប្រាសាទព្រះវិហារ។
ជាលទ្ធផល ដើមឈើដែលមានហានិភ័យមួយចំនួន ត្រូវបានសិក្សាវាយតម្លៃ ដកហូត និងកាត់ក្រី។ លើសពីនេះមែកឈើ និងវល្លិដែលដុះលយចូលផ្លូវក្នុងរមណីយដ្ឋានប្រាសាទព្រះវិហារ ត្រូវបានកាត់សម្អាតជាប្រចាំ។ ក្នុងនោះបារាយណ៍ខាងលិច ទំហំ៨០០០០ម៉ែត្រការ៉េត្រូវបានថែទាំ ដោយកាត់សម្អាតឈូក និងរុក្ខជាតិលើទឹក។ ក្រៅពីនេះស្លាកអប់រំបរិស្ថានចំនួន១០ផ្ទាំង ត្រូវបានតម្លើងនៅទីតាំងសំខាន់ៗក្នុងរមណីយដ្ឋាន ដើម្បីផ្សព្វផ្សាយពីបម្រាម និងគុណតម្លៃនៃព្រៃឈើ។
