អាជ្ញាធរជាតិព្រះវិហារមានតួនាទីអភិរក្ស និងអភិវឌ្ឍរមណីយដ្ឋានប្រាសាទព្រះវិហារក្រោយ ពីបានចុះបញ្ចីជាសម្បត្តិបេតិកភណ្ឌពិភពលោកនៅឆ្នាំ២០០៨។ ពលករជំនាញមានភារកិច្ចថែទាំ និង អភិរក្សប្រាសាទដោយធ្វើការងារកាត់សំអាតកូនរុក្ខជាតិតូចៗ ដែលដុះនៅតាមគោបុរៈនីមួយៗ តាមដាន ស្នៀតឈើទល់ទ្រនៅទីតាំងដែលប្រឈមគ្រោះថ្នាក់ និងការងារផ្សេងៗទៀត។
គោលបំណងដើម្បីអភិរក្ស និងថែទាំប្រាសាទព្រះវិហារជាប្រចាំឱ្យគង់វង្សយូរអង្វែង និងរក្សា បាននូវសុវត្ថិភាព និងស្ថេរភាព។
លទ្ធផលទទួលបានគឺពលករជំនាញបានអនុវត្ដការងារប្រចាំថ្ងៃដូចជា៖ ការថែទាំឈើទល់ទ្រនៅ តាមទីតាំងដែលមានហានិភ័យខ្ពស់ តាមដានបំរែបំរួលថ្មប្រាសាទដោយពិនិត្យមើលឧបករណ៍តាមដាន សំអាតកូនរុក្ខជាតិតូចៗដែលដុះនៅតាមគោបុរៈនីមួយៗ ចូលរួមការងារជួសជុល និងស្រាវជ្រាវផ្នែក បុរាណវិទ្យា និងការងារផ្សេងៗទៀតដែលអនុវត្ដនៅប្រាសាទព្រះវិហារ។
