ប្រាសាទដងទង់សាងសង់អំពីឥដ្ឋ ស្ថិតនៅក្នុងភូមិកោះកេរ។ ប្រាសាទនេះបានបាក់រលំជញ្ជាំង ផ្នែកខាងត្បូង និងខាងលិចទាំងស្រុង បន្សល់នៅតួជញ្ជាំងផ្នែកខាងកើត និងខាងជើង ដែលមាន ស្ថានភាពទ្រេតជិតដួលរលំ។ ដើម្បីទប់ស្តាត់ហានិភ័យទាំងនេះ នៅឆ្នាំ២០២២ ក្រុមការងារអភិរក្សនៃ នាយកដ្ឋានអភិរក្ស និងបុរាណវិទ្យា បានលើកគម្រោងអភិរក្សបន្ទាន់ ។
គោលបំណង គឺដើម្បីទប់ស្កាត់ការដួលរលំបន្តទៀត ស្តារដីចេញពីបរិវេណខាងក្នុងតួប៉មប្រាសាទ ដើម្បីអភិរក្សបល្ល័ង្ក និងស្វែងរកបំណែកបដិមាដែលបានលួចចេញពីប្រាសាទ។
លទ្ធផលការងារគឺបានទល់ទ្រស៊ុមទ្វារ និងជញ្ជាំងសរុបចំនួន២ទីតាំង និងបានធ្វើកំណាយស្តារ ដីចាក់បង្គរខាងក្នុងតួប៉មប្រាសាទ ដើម្បីអភិរក្សបល្ល័ង្កដែលកំពុងពុកផុយ។
