ដើម្បីរៀបចំផ្លាស់ប្តូរទីតាំងចំណតរថយន្ត និងតូបលក់ដូរនៅបរិវេណប្រាសាទធំ អាជ្ញាធរជាតិព្រះវិហារបានរៀបចំចំណតថ្មីមួយនៅផ្នែកខាងជើងនៃក្រុមប្រាសាទធំ ចំងាយប្រហែល២០០ម ដើម្បីរក្សាសោភណ្ឌភាពក្នុងបរិវេណប្រាសាទធំ និងផលប៉ះពាល់បុរាណដ្ឋានក្រោមដី។ ចំណតថ្មីនេះនឹងរៀបចំជា ចំណតឡាន កន្លែងលក់វត្ថុអនុស្សាវរីយ៍សហគមន៍ អាហារដ្ឋាន និងបន្ទប់ទឹក។
ដើម្បីជៀសវាងផលប៉ះពាល់ដល់បុរាណដ្ឋានក្រោមដី ការធ្វើកំណាយសង្រ្គោះជាមុនគឺជាការចាំបាច់ដើម្បីសង្គ្រោះបុរាណដ្ឋានអោយទាន់ពេលវេលា និងចងក្រងជាឯកសារ។
ក្រុមបុរាណវិទូបានបើករណ្តៅកំណាយចំនួន៣ ដែលមានទំហំ ២x២ម នៅផ្នែកខាងជើងប្រាសាទធំ ចាប់ពីថ្ងៃទី២៣ ខែកញ្ញា ដល់ថ្ងៃទី៥ ខែតុលា ឆ្នាំ២០២១។ លទ្ធផលកំណាយទាំង៣រណ្តៅខាងលើពុំបានប្រទះឃើញសំណង់បុរាណ ឬវត្ថុសិល្ប:អ្វីឡើយ។ ដូច្នេះ ទីតាំងខាងលើពុំមានស្លាកស្នាមបុរាណដ្ឋានដែលបញ្ជាក់ពីការរស់នៅរបស់មនុស្សពីបុរាណឡើយ។
