រមណីយដ្ឋានប្រាសាទកោះកេរមានវិសាលភាពធំធេង និងលាតសន្ធឹងលើក្រឡាផ្ទៃដីសរុប ៨៧៨៩ហិកតា ដែលភាគច្រើនជាដីព្រៃឈើពាក់កណ្តាលស្រោង និងមានស្ថានីយបុរាណនៅទីនោះ។ អាជ្ញាធរជាតិព្រះវិហារ បានសាងសង់ប៉ុស្តិ៍សន្តិសុខសណ្តាប់ធ្នាប់ចំនួន៦ទីតាំងផ្សេងគ្នា ដែលជាចំណុចច្រកគោលដៅសំខាន់ៗ ដើម្បីងាយស្រួលល្បាត និងត្រួតពិនិត្យបទល្មើសផ្សេងៗក្នុងតំបន់ នៅឆ្នាំ២០១៧ ដល់២០១៨។
ជាលទ្ធផលសំណង់បុស្តិ៍ទាំង៦នេះមាននៅទីតាំង ទី១ ប៉ុស្តិ៍អក្សរតេ (T) ផ្លូវបំបែកទៅភូមិរំចេក ទីតាំងទី២ ប៉ុស្តិ៍អូរបាក់ភ្លុក ទីតាំងទី៣ ប៉ុស្តិ៍ព្រៃស្វាយ ទីតាំងទី៤ ប៉ុស្តិ៍សាលាបឋមសិក្សាកោះកេរ ទី៥ ប៉ុស្តិ៍ភូមិរំចេក និងទីតាំងទី៦ ប៉ុស្តិ៍ប្រាសាទតាមែន។ សំណង់បុស្តិ៍សន្តិសុខអភិរក្សទាំង៦នេះមានលក្ខណៈជាសំណង់ស្ថាបត្យកម្មខែ្មរ សង់ពីឥដ្ឋលាយថ្ម ប្រក់គ្រឿងស្រលីង និងមានទំហំ៦,២ម៉ែត្រ x ៧ម៉ែត្រ ដែលងាយស្រួលរស់នៅ និងធ្វើការសម្រាប់ក្រុមសន្តិសុខអភិរក្ស។
