ព័ត៌មានទូទៅ

ថ្ងៃព្រហស្បតិ៍ ៤ រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៨ ខែមីនា ឆ្នាំ២០២៤ អាជ្ញាធរជាតិព្រះវិហារបានរៀបចំកម្មវិធីបណ្តុះបណ្តាលអំពីដំណើរការនៃការប្រើប្រាស់ម៉ាស៊ីនGPR នៅរមណីយដ្ឋានប្រាសាទកោះកេរ និងព្រះវិហារ ក្នុងគោលបំណងបន្ថែមចំណេះដឹងដល់មន្រ្តីជំនាញចំនួន២១នាក់ ទាក់ទងនឹងបច្ចេកវិទ្យាដែលមានសារសំខាន់ដល់ការងារស្រាវជ្រាវ និងអភិរក្ស។ វគ្គបណ្តុះបណ្តាលនេះ បង្រៀនដោយលោកសាស្រ្តាចារ្យ Tiago ATTOREE និង Sarah KLASSEN នៃសាកលវិទ្យាល័យToronto ប្រទេសកាណាដា ក្នុងនោះមានការអនុវត្តផ្ទាល់នៅទីវាល របៀបតម្លើងនិងប្រើប្រាស់ម៉ាស៊ីន ការរក្សាទិន្នន័យក្នុងម៉ាស៊ីន ការបញ្ចូលទិន្នន័យទៅក្នុងSoftware របៀបបកស្រាយទិន្នន័យតាមរយៈលទ្ធផលស្កេន សារ:ប្រយោជន៍ និងបញ្ហាប្រឈមផ្សេងៗនៃការប្រើប្រាស់ម៉ាស៊ីនGPR។