Wednesday, June 19, 2024
ថ្ងៃពុធ ១៣កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែ មិថុនា ឆ្នាំ២០២៤ នាយកដ្ឋានបរិស្ថាន ព្រៃឈើ និងទឹក នៃអាជ្ញាធរជាតិព្រះវិហារ បានរៀបចំយុទ្ធនាការប្រមូលសំរាម និងផ្សព្វផ្សាយពីការទុកដាក់សំរាម ដល់សិស្សានុសិស្ស លោកគ្រូ អ្នកគ្រូ នៃសាលាបឋមសិក្សាតាប្រា ប្រជាសហគមន៍ភូមិរំចេក និងពលករអនាម័យ ប្រចាំរមណីយដ្ឋានប្រាសាទកោះកេរ ដោយមានការចូលរួមសរុបចំនួន៥៥នាក់ ស្ថិតនៅសាលាបឋមសិក្សាតាប្រា ឃុំស្រយង់ ស្រុកគូលែន ខេត្តព្រះវិហារ។
យុទ្ធនាការប្រមូលសំរាម និងផ្សព្វផ្សាយអំពីការទុកដាក់សំរាមនេះ ធ្វើឡើងក្នុងគោលបំណងសំខាន់ចំនួន០២ គឺ ទី១. អប់រំ និងផ្សព្វផ្សាយដល់ប្រជាសហគមន៍ និងសិស្សានុសិស្សអំពីបញ្ហាសំរាមដល់សុខភាព បរិស្ថាន និងជីវភាពរស់នៅប្រចាំថ្ងៃ, ទី២. បញ្រ្ជាបការយល់ដឹងអំពីការទុកដាក់សំរាមឱ្យបានត្រឹមត្រូវនៅតាមផ្ទះ និងទីសាធារណៈ ដើម្បីរក្សាបាននូវបរិស្ថានស្អាតក្នុងសហគមន៍ និងក្នុងរមណីយដ្ឋានប្រាសាទកោះកេរ។
