ព័ត៌មានទូទៅ

បេសកកម្មរបស់អ្នកសង្កេតការណ៍អាស៊ាន(HOM AOT) កាលពីព្រឹកថ្ងៃទី១៤ ខែឧសភា ឆ្នាំ២០២៦នេះធ្វេីឡេីងដើម្បីចុះសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែននៅលើប្រាសាទព្រះវិហារជាសម្បត្តិបេតិកភណ្ឌពិភពលោកដ៏មានតម្លៃបំផុតរបស់មនុស្សជាតិ ដែលបានទទួលរងការខូចខាតយ៉ាងធ្ងន់ធ្ងរពីជម្លោះប្រដាប់អាវុធអំឡុងខែកក្កដា និងខែធ្នូ ឆ្នាំ២០២៥កន្លងទៅ។

អាជ្ញាធរជាតិព្រះវិហារ សង្ឃឹមជឿជាក់យ៉ាងមុតមាំថា បេសកកម្មរបស់ក្រុមអ្នកសង្កេតការណ៍អាស៊ាន(AOT)​ នឹងអាចធានាការអនុវត្តបទឈប់បាញ់ឱ្យបានពេញលេញ និងប្រកបដោយប្រសិទ្ធភាព សំដៅលើកកម្ពស់តម្លាភាព គណនេយ្យភាព និងការជឿទុកចិត្តគ្នាទៅវិញទៅមករវាងកម្ពុជានិងថៃ ឆ្ពោះទៅការធ្វើឱ្យប្រសើរឡើងវិញឆាប់រហ័ស និងវិលត្រឡប់ទៅរកប្រក្រតីភាព សន្តិភាព ស្ថិរភាព និងសុវត្ថិភាពយូរអង្វែងនៅតាមបណ្តោយព្រំដែន។