Friday, December 15, 2023
ថ្ងៃទី១៥ ខែធ្នូ ឆ្នាំ២០២៣ ក្រោមការសម្របសម្រួលរបស់លោក ឈាង សុវណ្ណា អនុប្រធាននាយកដ្ឋានអភិរក្ស និងបុរាណវិទ្យា មានការចូលរួមពីមន្រ្តីបច្ចេកទេស បានរៀបចំកម្មវិធីអបរំផ្សព្វផ្សាយបេតិកភណ្ឌ ជាលើកទី២ ក្នុងគម្រោងអភិរក្ស និងជួសជុលជណ្តើរបុរាណខាងជើង ដំណាក់កាលទី៤ ជូនសិស្សានុសិស្សមកពីវិទ្យាល័យស្រអែម ចំនួន២១នាក់ និងលោកគ្រូ២នាក់។ កម្មវិធីអបរំផ្សព្វផ្សាយនេះ បានធ្វើការបង្ហាញពីគុណតម្លៃសម្បត្តិវប្បធម៌ជាតិ និងស្វែងយល់កិច្ចការងារអភិរក្ស និងជួសជុលជណ្តើរបុរាណខាងជើង។ សិស្សានុសិស្សបានចូលរួមស្វែងយល់បន្ថែមពីបច្ចេកទេសការងារអភិរក្ស និងជួសជុលសំណងជណ្តើរបុរាណខាងជើងនៅការដ្ឋានផ្ទាល់ បានការណែនាំពីមន្រ្តីបច្ចេកទេស និងអ្នកជំនាញជួសជុល។ សិស្សានុសិស្សបានបន្តទស្សនកិច្ចសិក្សាបន្ថែមទៀត ពីស្ថាបត្យកម្មផ្សេងៗលើប្រាសាទព្រះវិហារ។
កម្មវិធីនេះ បានទទួលឧបត្ថមគាំទ្រពីមូលនិធិឯកអគ្គរដ្ឋទូតសហរដ្ឋអាមេរិកអភិរក្សសម្បត្តិវប្បធម៌(AFCP) តាមរយះស្ថានទូតសហរដ្ឋអាមេរិកប្រចាំក្រុងភ្នំពេញ។
