នៅថ្ងៃទី០៨-០៩ ខែឧសភា ឆ្នាំ២០២២ មន្រ្ដីនាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិព្រះវិហារ បានចូលរួមការអប់រំ និងផ្សព្វផ្សាយពីការលើកតម្លៃបេតិកភណ្ឌក្នុងរមណីយដ្ឋានប្រាសាទព្រះវិហារដល់សិស្សវិទ្យាស្រអែម និងអនុវិទ្យាល័យស្រះក្ដុល សរុបចំនួន ២៦នាក់ លើប្រធានបទ: «ទេសចរណ៍សហគមន៍ និងទេសចរណ៍វប្បធម៌» ក្នុងការផ្ដល់ចំណេះដឹងទាក់ទង អ្វីទៅជាទេសចរណ៍ ទេសចរណ៍សហគមន៍ និងទេសចរណ៍វប្បធម៌ គុណសម្បត្តិ និងគុណវិបត្តិនៃទេសចរណ៍សហគមន៍ គុណសម្បត្តិ និងគុណវិបត្តិនៃទេសចរណ៍វប្បធម៌ ដើម្បីជាស្ពានក្នុងការរៀបចំសហគមន៍ឲ្យក្លាយទៅជាតំបន់ទេសចរណ៍ដ៏មានសក្កានុពលដែលផ្សាភ្ជាប់ទៅនឹងធនធានធម្មជាតិ និងសម្បត្តិវប្បធម៌ដែលមានស្រាប់នៅក្នុងតំបន់។
