កិច្ចការពារ និងការអភិរក្ស

កាលពីថ្ងៃពុធ៤រោច ដល់ថ្ងៃសៅរ៍៧រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវថ្ងៃទី២០ ដល់ថ្ងៃទី២៣ ខែមេសា ឆ្នាំ២០២២ មន្ត្រីបច្ចេកទេសនៃនាយកដ្ឋានអភិរក្ស និងបុរាណវិទ្យាប្រចាំរមណីយដ្ឋានប្រាសាទកោះកេរ បានដឹកនាំពលករជំនាញ អនុវត្តន៍កិច្ចការងារចរន្តលើការងារថែទាំ ការជួសជុលជន្ទល់ឈើចាស់ៗ និងការទល់ទ្របន្ទាន់នៅកន្លែងដែលមានហានិភ័យខ្ពស់តាមប្រាសាទមួយចំនួនមានដូចជា៖ បានទល់ទ្រទីតាំងមានហានិភ័យខ្ពស់១កន្លែងនៅប្រាសាទអណ្តូងគុគឬប្រាសាទលិង្គទី៤ បានជួសជុលជន្ទល់ឈើចាស់២កន្លែងនៅប្រាសាទបេង និងបានជួសជុលជន្ទល់ឈើចាស់១កន្លែងនៅប្រាសាទដំរី។
អត្ថបទ: ភិន ភក្តី