លោក ហេង សំរិទ្ធ កើតនៅឆ្នាំ១៩៧៥។ លោកបានបញ្ចប់ការសិក្សាថ្នាក់អនុបណ្ឌិតលើជំនាញ ផ្នែកគ្រប់គ្រងធុរៈកិច្ច និងទេសចរណ៍ ពីទីក្រុងញូវដែលលីនៃសាធារណរដ្ឋឥណ្ឌា ឆ្នាំ២០០៣។ លោកបានទទួលបរិញ្ញបត្រ ភាសាអង់គ្លេស ពីទីក្រុងញូវដែលលីនៃសាធារណរដ្ឋឥណ្ឌា ឆ្នាំ១៩៩៩ ផងដែរ។
លោក ហេង សំរិទ្ធ បានចូលបម្រើការងារជាមន្រ្តីរាជការនៅឆ្នាំ២០០៤ នៅអាជ្ញាធរជាតិទេសចរណ៍ និងជាមន្រ្តីទទួលបន្ទុកផ្នែករៀបចំផែនការ និងយុទ្ធសាស្រ្តទេសចរណ៍សម្រាប់ថ្នាក់ជាតិ ដែលស្ថិតនៅក្រោមការគ្រប់គ្រងរបស់ទីស្តីការគណៈ រដ្ឋមន្រ្តី នៅឆ្នាំ២០០៧ដល់ឆ្នាំ២០១៥។ លោក ហេង សំរិទ្ធ បានបម្រើការងារនៅខុទ្ទកាល័យទីស្តីការគណៈរដ្ឋមន្រ្តី ដែលជាជំនួយការផ្ទាល់ឯកឧត្តម ស៊ីម វណ្ណា នៅថ្ងៃទី០២ ខែមិថុនា ឆ្នាំ២០១៥។
លោក ហេង សំរិទ្ធ ត្រូវបានរាជរដ្ឋាភិបាលតែងតាំងជាប្រធាននាយកដ្ឋានអភិវឌ្ឍន៍ទេសចរណ៍ប្រចាំអាជ្ញាធរជាតិព្រះវិហារ នៅខែមិថុនា ឆ្នាំ២០១៥ រហូតដល់បច្ចុប្បន្ន។ លោក ហេង សំរិទ្ធ បានចូលរួមការអភិវឌ្ឍន៍លើវិស័យទេសចរណ៍ជាច្រើន ដើម្បីសរសេរសៀវភៅផែនការមេ គ្រប់គ្រងទេសចរណ៍នៅរមណីយដ្ឋានប្រាសាទព្រះវិហារ និងកោះកេរ។ ចំណែកស្នាដៃអភិវឌ្ឍន៍វិស័យទេសចរណ៍ផ្សេងទៀត លោកបានចូលរួមពិភាក្សាយោបល់ជាមួយជំនាញការបរទេសជាច្រើនក្នុងការ អភិវឌ្ឍន៍វិស័យទេសចរណ៍នៅរមណីយដ្ឋានប្រាសាទព្រះវិហារ និងកោះកេរ ក្រោមក្រសួងវប្បធម៌ និងវិចិត្រសិល្បៈ។
