ប្រវត្តិសង្ខេប
លោក ម្សាស់ លីម កើតនៅឆ្នាំ១៩៧៩។ លោកបានទទួលបរិញ្ញាប័ត្រគណនេយ្យពីវិទ្យាស្ថានជាតិគ្រប់គ្រង នៅឆ្នាំ២០០៣ ។
នៅឆ្នាំ២០០៣ លោក បានចាប់ផ្តើមការងារជាមន្ត្រីរាជការនៅអាជ្ញាធរជាតិទេសចរណ៍ និងក្រោយមកនៅនាយកដ្ឋានបុគ្គលិក នៃទីស្ដីការគណៈរដ្ឋមន្ត្រី។ នៅឆ្នាំ២០០៨ លោកបានទទួលភារកិច្ចនៅក្នុងក្រុមការងារពិសេសថ្នាក់ជាតិ តំបន់ប្រាសាទព្រះវិហារ នៃទីស្ដីការគណៈរដ្ឋមន្ត្រី ផ្តោតលើបេសកកម្មរៀបចំកិច្ចការអភិវឌ្ឍន៍ និងអភិរក្សនៅរមណីយដ្ឋានប្រាសាទព្រះវិហារ។ នៅឆ្នាំ២០១៥ លោកត្រូវបានតែងតាំងជាអនុប្រធាននាយកដ្ឋានរដ្ឋបាល ហិរញ្ញកិច្ច ទំនាក់ទំនងសាធារណៈ ផែនការ និងនីតិកម្ម ហើយនៅឆ្នាំ២០២២ ក៏ត្រូវបានតែងតាំងជាប្រធាននាយកដ្ឋានរដ្ឋបាល និងហិរញ្ញកិច្ច នៃអាជ្ញាធរជាតិព្រះវិហារ។
