ប្រាសាទថ្មបាយក្រៀមស្ថិតខាងជើងឆៀងខាងកើតប្រាសាទក្រហមក្នុងបរិវេណប្រាសាទធំ។ នៅឆ្នាំ២០១២ ប្រាសាទនេះបាន ទល់ទ្រម្តងហើយដោយអាជ្ញាធរជាតិអប្សរា ដោយបានប្រើប្រាស់គ្រឿងបង្គុំ ឈើ និងរុំព័ទ្ធដោយខ្សែកាបដែក ដើម្បីការពាររចនា សម្ព័ន្ធសំណង់ប្រាសាទដែលមានហានិភ័យខ្ពស់។ ច្រើនឆ្នាំកន្លងមក គ្រឿងបង្គុំឈើបានពុកផុយ អស់គុណភាព ហើយឫសដើម បានចាក់ចូលក្នុងគ្រឹះ និងជញ្ជាំងថ្មបាយក្រៀមបង្ករឲ្យមានហានិភ័យខ្ពស់ដល់រចនាសម្ព័ន្ធប្រាសាទបន្ថែមទៀត។ ដើម្បីទប់ស្តាត់ ហានិភ័យទាំងនេះ ក្រុមការងារអភិរក្សនៃនាយកដ្ឋានអភិរក្ស និងបុរាណវិទ្យាបានសិក្សា និងលើកគម្រោងអភិរក្សប្រាសាទថ្មបាយក្រៀម។
គោលបំណងគឺដើម្បីថែរក្សា និងអភិរក្សប្រាសាទថ្មបាយក្រៀមឲ្យបានគង់វង្សយូរអង្វែង និងចងក្រងឯកសារសម្រាប់ការងារជួសជុលនាពេលអនាគត។
លទ្ធផលការងារនៅឆ្នាំ២០១៩ គឺក្រុមការងារបានចងក្រងឯកសារប្លង់ស្ថាបត្យកម្មគ្រប់ទិស ថតរូប Photogeometryទុកជាឯកសារ ដកហូតថ្មចំនួន៨៩ដុំ ដែលមិនមានលំនឹង ពង្រឹងឈើទល់ទ្រ ឡើងវិញ ផ្លាស់ប្តូរខ្សែកាបថ្មីចំនួន១០ខ្សែ និងរៀបចំប្រព័ន្ធរំដោះទឹកបណ្តោះអាសន្នចេញពីក្នុងបរិវេណប្រាសាទថ្មបាយក្រៀម។
