យោងតាមតម្រូវការជាក់ស្តែងក្នុងការអភិរក្ស និងអភិវឌ្ឍវិស័យទេសចរណ៍ក្នុងតំបន់ព្រះវិហារ អាជ្ញាធរជាតិព្រះវិហារ បាន សាងសង់ជណ្តើរឈើស្របទៅនឹងជណ្តើរបុរាណខាងកើតប្រាសាទ ព្រះវិហារដើម្បីលើកតម្លៃជណ្តើរបុរាណ និងផ្តល់ បទពិសោធន៍ថ្មីដល់ភ្ញៀវទេសចរណ៍ដែលមានបំណង ចង់ឡើងភ្នំព្រះវិហារដោយថ្មើរជើង។
គោលបំណង គឺដើម្បីវាយតម្លៃទៅលើផលប៉ះពាល់ផ្នែកបុរាណវិទ្យានៅទីតាំងជើងជណើ្តរឈើ។ ក្រុមការងារបានធ្វើ កំណាយបុរាណវិទ្យាបង្ការចំនួន០៤ទីតាំង ដើម្បីសាងសង់ជណ្តើរឈើសាលាសំណាក់ចំនួន០៥កន្លែង និងបង្គន់អនាម័យ០៣ កន្លែង។ ជណ្តើរឈើថ្មីអមសងខាងជណ្តើរបុរាណខាងកើតប្រាសាទព្រះវិហារនេះមានប្រវែង១៤៥០ម៉ែត្រ ទទឹង២ម៉ែត្រ កម្ពស់ ៥៨០ម៉ែត្រ។
លទ្ធផលទទួលបានពីកំណាយស្រាវជ្រាវនេះ គឺបានប្រទះឃើញក្បឿងរងស្បូវអំបែងក្បឿង កំទេចធ្យូង និងកាកសំណល់ វត្ថុសម័យសង្គ្រោម។ ដូច្នេះពុំមានផលប៉ះពាល់បុរាណវិទ្យាលើទីតាំង សាងសង់ជណ្តើរឈើ សាលាសំណាក់ និងបង្គន់ អនាម័យទេ។
