ស្ពានហាលគោបុរៈទី២ស្ថិតនៅផ្នែកខាងកើតនៃគោបុរៈនេះ មានបណ្ដោយប្រវែង៣០ម៉ែត្រ ទទឹង ១០ម៉ែត្រ មានបង្កាន់ដៃ នាគ២អមសងខាង និងបង្គោលផ្កាឈូកសរុបចំនួន១៨។
គោលបំណងគឺ ដើម្បីពង្រឹងរចនាសម្ព័ន្ធស្ពានហាលគោបុរៈទី២ឱ្យមានសុវត្ថិភាព និងសោភណ្ឌ ភាពឡើងវិញ ដោយរៀបចំរចនាសម្ព័ន្ធគ្រឹះស្ពានហាល ជួសជុលបង្កាន់ដៃនាគ និងបង្គោលផ្កាឈូក មួយចំនួននៅសងខាងស្ពានហាល និងស្ដារដីដែរចាក់បង្គរនៅចន្លោះស្ពានហាល និងបង្កាន់ដៃនាគ។
លទ្ធផលទទួលបានគឺ នៅឆ្នាំ២០១៧ និងឆ្នាំ២០២០ អាជ្ញាធរជាតិព្រះវិហារបានទទួលថវិកាពី មូលនិធិអង្គរ និងសប្បុរសជនព្រះញាតិអាស្រមមហាឧត្ដម ដើម្បីកែលម្អ និងជួសជុលនាគនៅស្ពានហាលគោបុរៈទី២ ចំនួន២ដំណាក់កាល។ ការងារនេះសម្រេចបានដូចជា ស្ដារដីចាក់បង្គរនៅចន្លោះស្ពានហាល និងបង្កាន់ដៃនាគទាំងសងខាង លើកបំណែកខ្លួននាគដែលដួលរលំដាក់ទៅទីតាំងដើមវិញ និង ជួសជុលបង្គោលផ្កាឈូកនៅអមសងខាងស្ពានហាលបានចំនួន ០៣បង្គោល។ រហូតដល់នៅខែមីនា ឆ្នាំ២០២៣ ក្រុមការងារបានបន្តជួសជុលជ្រុងខាងលិចនិងខាងកើត និងកំរាលស្ពានហាល ដែលបានបាក់ស្រុតឡើងវិញ។
