ព័ត៌មានទូទៅ

ក្រុមអ្នកជំនាញ អាដហុក នៃគណៈកម្មាធិការសម្របសម្រួលអន្តរជាតិសម្រាប់ការអភិរក្ស និងការលើកតម្លៃរមណីយដ្ឋានប្រាសាទព្រះវិហារ (Ad-hoc Expert of ICC-Preah Vihear) ចុះពិនិត្យតាមដានវឌ្ឍនភាពការងារអភិរក្ស និងអភិវឌ្ឍន៍ នៅរមណីយដ្ឋានបេតិកភណ្ឌពិភពលោកប្រាសាទព្រះវិហារ និងប្រាសាទកោះកេរ

នៅព្រឹកថ្ងៃទី១៥-១៦ ខែកញ្ញា ឆ្នាំ២០២៤នេះ ក្រុមអ្នកជំនាញការ អាដហុក បានអញ្ជើញចុះតាមដាន និងពិនិត្យមើលវឌ្ឍនភាពការងារអភិរក្ស និងជួសជុលប្រាសាទ និងកិច្ចការអភិវឌ្ឍន៍នៅរមណីយដ្ឋានប្រាសាទព្រះវិហារ និងកោះកេរ ដោយមានការចូលរួមពីឯកឧត្តម គង់ ពុទ្ធិការ អគ្គនាយកអាជ្ញាធរជាតិព្រះវិហារ អមដំណើរដោយថ្នាក់ដឹកនាំ និងមន្រ្តីជំនាញនៃអាជ្ញាធរជាតិព្រះវិហារ។ បន្ទាប់ពីបានពិនិត្យការងារនៅក្នុងរមណីយដ្ឋានទាំងពីរ អ្នកជំនាញការ អាដហុក បានវាយតម្លៃខ្ពស់អំពីប្រសិទ្ធភាពការងារ និងកម្រិតជំនាញក្នុងការងារអភិរក្ស និងជួសជុលប្រាសាទបុរាណ ព្រមទាំងការងារអភិវឌ្ឍន៍ទេសចរណ៍ផងដែរ។