ព័ត៌មានទូទៅ

នៅថ្ងៃទី២២ ខែវិច្ឆិកា ឆ្នាំ២០២៤ អាជ្ញាធរជាតិព្រះវិហារបានបើកវគ្គអប់រំផ្សព្វផ្សាយបេតិកភណ្ឌលើកទី៤ នៃគម្រោងមូលនិធិឯកអគ្គរដ្ឋទូតសហរដ្ឋអាមេរិកដើម្បីអភិរក្សសម្បត្ដិវប្បធម៌ ដំណាក់កាលទី៤ (ឆ្នាំ២០២២ ដល់២០២៤) ដល់សិស្សានុសិស្ស អនុវិទ្យាល័យភ្នំឆ័ត្រសែនជ័យ សរុបចំនួន២១នាក់ (ស្រី១០នាក់) ស្ថិតក្នុងភូមិសែនជ័យ ឃុំស្រអែម ស្រុកជាំក្សាន្ដ ខេត្ដព្រះវិហារ។ វគ្គអប់រំផ្សព្វផ្សាយអំពីការងារអភិរក្ស និងជួសជុលជណ្ដើរបុរាណខាងជើង មានគោលបំណងបង្ហាញអំពីប្រវត្តិសាស្ត្រ ស្ថាបត្យកម្ម តម្លៃលេចធ្លោជាសកលរបស់ប្រាសាទ និងវិធីសាស្រ្តនៅក្នុងការអភិរក្ស និងជួសជុលសំណង់បុរាណ។ បន្ទាប់ពីបានស្តាប់ការធ្វើបទបង្ហាញរួច សិស្សានុសិស្សទាំងអស់បានចុះស្វែងយល់ និងអនុវត្តផ្ទាល់នៅការដ្ឋានជួសជុលជណ្តើរបុរាណខាងជើង។

ក្រោយចប់វគ្កអប់រំផ្សព្វផ្សាយ សិស្សានុសិស្សទាំងអស់បានប្តេជ្ញាថានឹងចូលរួមចំណែកអភិរក្ស និងថែទាំកេរ្តិ៍ដំណែលដ៏អស្ចារ្យនេះដើម្បីមនុស្សជំនាន់ក្រោយទៀត។