ព័ត៌មានទូទៅ

នៅព្រឹកថ្ងៃទី២ ខែសីហា ឆ្នាំ២០២៥នេះលោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈបានដឹកនាំប្រតិភូអញ្ជើញចុះសាកសួរសុខទុក្ខប្រជាពលរដ្ឋដែលបានភៀសសឹកពីតំបន់ព្រំដែនកម្ពុជា-ថៃ ទិសប្រាសាទព្រះវិហារ មកតាំងទីលំនៅបណ្តោះអាសន្ននៅក្នុងបរិវេណវត្តពោធិ៍៥ពាន់ដើម ស្រុកគូលែន ខេត្តព្រះវិហារ។

ជាមួយគ្នានោះលោកជំទាវបណ្ឌិតសភាចារ្យ ក៏បានសម្តែងនូវមរណៈទុក្ខដ៏ក្រៀមក្រម និងសោកសង្រេងជាទីបំផុតចំពោះវីរៈកងទ័ពកម្ពុជាដែលបានពលី ពិការ និងរបួស នៅក្នុងសង្រ្គាមឈ្លានពានរបស់កងទ័ពថៃ មកលើកម្ពុជាកាលពីពេលកន្លងទៅថ្មីៗនេះ។ លោកជំទាវបណ្ឌិតសភាចារ្យក៏បានចាត់ទុក្ខថា ការលះបង់សាច់ស្រស់ ឈាមរបស់របស់កងទ័ពកម្ពុជា នាពេលនេះ ជាការចងចាំពុំភ្លេច និងដិតជាប់ដួងចិត្តរបស់ប្រជាជនកម្ពុជា និងរាជរដ្ឋាភិបាលកម្ពុជាជារៀងរហូតតទៅ និងសូមឲ្យដួងវិញ្ញាណក្ខន្ធវីរៈកងទ័ពកម្ពុជាដែលបានពលី សូមបានទៅកាន់ឋានស្ងប់សុខ។

សូមបញ្ជាក់ថា អំណោយដែលបាននាំទៅផ្តល់ជូនជនភៀសសឹកនៅវត្តពោធិ៍៥ពាន់ដើម នាពេលនោះរួមមាន៖ តង់ចំនួន២០០ សាច់ជ្រូកផាត់៥០គ.ក ត្រីផាត់៥០គ.ក ត្រីងៀត៥០គ.ក ឆៃប៉ូវផ្អែម៩០គ.ក ស្ករគ្រាប់កូនក្មេង២០កេស ទឹកគោកូនក្មេង៥០ ទឹកត្រី១០០យួរ ទឹកស៊ីអ៊ីវ១០០យួរ ប្រេងឆា៣០កេស សៀងផ្អែម៥០កាដុង ឡេលាបការពារមូស១៥០ដប សាប៊ូកក់សក់ម៉ាកក្លិន១០កេស សាប៊ូដុសខ្លួនម៉ាកក្លិន៣០០ដុំ សាប៊ូបោកសម្លៀកបំពាក់៥០០ក្រាម ចំនួន១០កេស ថ្នាំស្មិកតា១កេស ថ្នាំដូលីប្រាណ១កេស សារ៉ូដូលីប្រាណ៥កេស ច្រាស់ដុសធ្មេញ៥០ឡូ ថ្នាំដុសធ្មេញ៥០ឡូ ទឹកផ្លែឈើ៥០កេស ទឹកបរិសុទ្ធអូរ៉ាល់៣០កេស ខោទឹកនោមកូនក្មេង២០កេស ខោអាវ៤១កំប្លេ និងថវិកា១០លានរៀល។