នៅសងខាងគោបុរៈទី៣ មានសំណង់អគារពីរ គឺខាងលិច និងខាងកើត ដែលគេស្គាល់ថាជារាជដំណាក់។ អគារទាំងនេះមានក្បាច់លើចុងដងក្តារយ៉ាងល្អប្រណិត ហើយក្បាច់មួយចំនួនបានបាក់ធ្លាក់មកដី។ ជាពិសេសគឺក្បាច់លម្អលើដងក្តារនៃអគារខាងលិចបន្ទប់ខាងត្បូង។
គោលបំណងគឺ ដើម្បីជួសជុលរចនាសម្ព័ន្ធខ្លះនៃសំណង់ដែលបានបាក់ធ្លាក់មកដីដោយត្រូវគ្រាប់កាំភ្លើងឱ្យនៅទីតាំងដើមវិញកុំឱ្យបាត់បង់ទៅវិញ។ លើសពីនោះ ការជួសជុលនេះក៏ធ្វើអោយសំណង់មានសោភណ្ឌភាព និងរក្សាទ្រង់ទ្រាយដើមរបស់វា។
លទ្ធផលការងារ នៅឆ្នាំ២០១៥ អាជ្ញាធរជាតិព្រះវិហារបានជួសជុលបំណែកចម្លាក់ព្រះឥសូររាំ នៅចុងដងក្តារនៃហោជាងអគារខាងលិច។ ក្រុមការងារបានសំអាតផ្ទៃបំណែក ពង្រឹងរចនាសម្ព័ន្ធថ្ម និងបិតភ្ជាប់ថ្មដោយកាវ Epoxy Resin ម្សៅ Furm Preventol ទឹកបន្សុត និងម្សៅថ្មភក់។
