កិច្ចការពារ និងការអភិរក្ស

នៅថ្ងៃសុក្រ ៣ រោច ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១១ ខែវិច្ឆិកា ឆ្នាំ២០២២ ក្រុមការងារនាយកដ្ឋានបរិស្ថាន ព្រៃឈើ និងទឹកនៃអាជ្ញាធរជាតិព្រះវិហារ បានរៀបចំប្រារព្ធពិធីសែនព្រេននិងតម្លើងរន្ទាដើម្បីកាត់ដើមព្រះព្នៅ ពុកគល់ ដើមប្រហោង មែកងាប់ ដែលមានអង្កត់ផ្ចិត ០.៤០សម កម្ពស់ ប្រហែល១៨ម នៅក្នុងតួប្រាសាទស្រុតខាងត្បូងដែលមានហានិភ័យខ្ពស់ដល់ប្រាសាទ និងដើម្បីបង្ការគ្រោះថ្នាក់ដល់ប្រាសាទ និងភ្ញៀវទេសចរ។